Ísland er til skammar í þessum málum.

Ég mæli með því að þið finnið stúdentablaðið og lesið þar grein um mann frá Afganistan sem sótti um hæli á Íslandi.
Hann hafði áhyggjur af því að vera sendur til Khandahar vegna þess að þá gæti hann verið drepinn. Hann kom hingað til lands frá Svíþjóð, sem gefur okkur rétt á því að skila honum bara aftur þangað og fría okkur allri ábyrgð. Ísland sá enga ástæðu til þess að láta rauðakrossinn okkar borga þessum manni 2500 krónur á viku og sendi hann til baka, jafnvel þó það gæti verið dauðadómur. Maður var sendur til Svíþjóðar, þar sem hann sat í fangelsi þangað til hann var sendur til Khandahar og það er ekkert vitað um afdrif hans í dag.

Og á meðan blaðamaður tók viðtal við manninn, ók fólk framhjá og öskraði: "Go to hell, immigrant!"
-Smekklegt!!

Fólk býr sumastaðar í heiminnum við hörulegar aðstæður, kúgun og barsmíðar. Sumstaðar sér fólk ekki fram á líf á þeim stað sem það býr. Það flýr! Og fyrir það er fólk sett í fangelsi og sent til baka, þar sem það á á hættu að vera tekið af lífi fyrir það eitt að flýja. Mér blöskraði að heyra af því að við hefðum sent fólk til baka í útrýmingabúðirnar sem kom hingað á sínum tíma, en Nú er árið 2008 og ég á varla til orð yfir því hvernig við tökum á svona málum í dag. Höfum við í alvörunni ekkert bætt okkur?

Ég veit að sumir þurfa núna að borga meira af bílalánunum sínum og það fá ekki allir pláss fyrir börnin sín á leikskóla og það mætti bæta menntakerfið og margt annað... En, Verðum við að spara þessar krónur, þó það geti kostað fólk frelsið og jafnvel LÍFIÐ?

Og þetta minnir mig aftur á umræðuna um það þegar fólk vildi ekki að við tækjum á móti fólki úr palestínskum flóttabúðum, fyrr en við værum búin að laga allt heima... Höfum við það virkilega svo slæmt að við getum ekki tekið við fólki úr flóttamannabúðum? Vitið þið hvernig það er að búa í flóttamannabúðum?

Ég bið ykkur, hugsið ykkur um!

Líf útlendinga er alveg jafn mikils virði og okkar líf og þau eiga alveg sama rétt á því og við. Þó að það kreppi að hjá Íslendingum, réttlætir það ekki svona meðferð á hælisleitendum. Þetta má ekki viðgangast. Réttindi fólks mega ekki gleymast, þrátt fyrir stórar fréttir úr efnahagsmálum hérlendis.

Þetta er ekkert einsdæmi. Hvorki fréttin af Lettanum, né af Afgananum. Þetta gerist allt of oft. Þessi mál eru þögguð niður. En við megum ekki þeigja lengur. Við getum ekki leyft stjórnvöldum að komast upp með þetta. Við verðum að hætta að vorkenna sjálfum okkur og taka á þessu, ekki seinna en NÚNA!

Mál hælisleitanda afgreitt á viku

Athugasemdir

[Margrét Ingadóttir, 17.10.2008 kl. 20:41]

Nei, ég er ekki að misskilja neitt við þessa frétt. Ég er að vekja athygli á þessum málstað og þessi frétt tengist honum. DV er ruslblað og ég nenni ekki að lesa það sem þeir skrifa. En það verður að koma því á framfæri að við erum að fara rangt að í þessum málum. Ég vil að við hættum að nota Dyflinarsáttmálann til þess að fría okkur allri ábyrgð. Það hefur skelfilegar afleiðingar, og það er ekki tilgangur sáttmálans. Við erum að misnota hann.